حجّاج بيت الله تضَحّي بِـ خرفان     
          وانا بَخالف سنّة الحجّ هالحين

قَرّرت اضحّي في بشَر كانُوا اخوان     
          واليُوم صاروا بُعد \" مكّه \" عن العين !

ابَعتزلهم واجْزي الشَّر بِاْحسان     
          وارحَل واخلّي طاريَ الضّيق , بعدين

إذا تذَكًّرت الشّوارع والاوطان     
          باقُول ياقلبي تمَهَّل على وين !؟

مدينة الدّمام , ضَجَّت بالاحزان     
          وْماعاد باقي غير فـ الشّعْر بيتين :

دام الوفي في شرعُهُم صار خَوّان     
          واللي يحبّ بْصدْق خارج عن الدّين

ماعاد ابي صُحبَه وَلا زيف خلّان     
          ماني بِحاجَة ربْع ماتوا من سنين !