كنّا نِفَرّق بين كآفر ومسلم     
          واليُوم صار الوضْع : سنّه وشيعَه

حال العَرَب يا ناس مُزري ومُؤلم    
          تِمَكّنَت منْه النّفُوس الوضيعَه

المسلم اللي من يَدَه كنْت تسلَم    
          صِرْت اتّوَخّى لا مكانك يبيعَه

وْلاشان حالك واصبَح الدّرب مُظلم     
          ماصار يَفزَع لك بِما يستطيعَه !

ويطعَنْك في ظَهْرك , ومازال يَظلم     
          حتّى أساء الظّن باْسْم الشّريعه

حاوَلت اعدّي , لكن الله يعلَم     
          عيَّت تعدّي , والمشاعر صريعَه !

نحلَم ومازلنا من سنين نحلَم     
          واحلامِنا لليُوم ماهي مُطيعَه !!