جيت انثر ابْيَـاتي واصبّح سعادَتْك    
          بالخير واتْحمَّد لها بالسّلامَه

جيتك يابُو متعب بَسَمّعْ سيادَتْك    
          شعْر المليك اللي يليق بْمقامه

غبْت وفقَدنا عدْل يمْنَى قيادَتْك     
          والشّعْب أعلن في هواك انهزامه

وارْض الوطَن من شدّة الشّوق نادَتْك     
          ماعاد فيها بَعْد حكْمك كرامَه

ادري غيَابك كان خارج إرادتْك     
          ماجيت اعاتبْ أو ازيدك ملامه

ان كان ابياتي للاحزان قادَتْك    
          يسكن نواحيها الحزِن والنّدامه

الخير ياصقْر انْولد مَع ولادتْك    
          والنّور دونك يشتكي من ظلامه !

الخير طبعك والكَرَم فيه \" عادَتْك \"    
          والجود عنوانك يزيدك شهامه

والعطْف تاجك والشّهامه قلادتْك    
          والطّيب أصلك ..زاد قلبك وسامه

باجيك واكتب لك لو النّاس \" عادَتْك \"    
          وآصيغ شعري واعترف في ختامه

ماجيت انافق .. جيت أبغي \" سعادتْك \"    
          ياللي فرَضْ ع الغير غَصْب احترامه !