الله عليم بْعلّة القلْب والرّوح    
          يعلَم خفايا النّفْس وشْهي عِلَلها

القلب من زود الغرابيل مجروح    
          والرّوح في دنياي قَرّب أجَلْها

قضيت عمري, هَمّ واحزان وجْروح    
          خسَرْت نفسي وانْعدَم بي أمَلْها

عشْت بْهمُومي تالي العمْر بالنّوح    
          والنّفْس ضاقَت بي وشدّت رحَلْها

يا قلب مالك في هَوى النّفْس مصلُوح    
          لانْ الهَوى ياقلْب زوّد حِمِلْها

لا جيت ربّ النّاس بالذّنْب مفضوح    
          شتْقُول هذي النّفْس لَو هو سأَلْها !؟

لا فات فوتك منْت ياقَلْب مسموح    
          مادام نَفسك ساء سابق عَمَلْها