قصيد،قصيد نت،شبكة قصيد،قصائد شعراء،قصيده،قصائد،شعراء،شاعرات،شاعر المليون<<كل عَـام وانت بْـ جَرح

بقَـايَا العِطْر والوَرده .. وبَعْضْ الشّوق .. والاوراق
          حُرُوف الشّعْر .. واحلامي .. وبَاقي الحب والحانَه
          عَلَى رف الزّمن كانت .. تنَـادي والهَوَى مشتَاق !
          تعدّ الوقت وتْعانق قدوم العيد .. ولهَانه !
          ياعيد النّاسْ وش باقي .. عَلَى قْدومك سوى أيام
          ولَكنْ عيدِي الدّامي .. على قْدومه بقَى أعوام

أنَـا عيدي بعَدْ شُوفك .. لِيَامن صرتْ قدّامي ..
          لِيَامن حيل عانَقْتك .. وثِرْت بْريحك المجنُون

من الاحزان سمّيته .. بدونك ( عيدي الدّامي )
          عَطَاني الجَرح عيديّه .. تسَاوي مْن الألَـم مَليُون !

لبَسْت الهَم ( فسْتَاني ) .. وصار الدّمْع لي ( مكياج )
          وصَار النّوح ( ألحَاني ) .. عزَفْتَه وْصَابِني ( إزعاج )
          وْطاري الشّوق ( خلّاني ) .. لِـ مَحبُوبي أنَـا ( أحتاج )
          أنَـا .. أحتاج !
          أنَـا أحتاج ..
          أنَـا أحتَـاج ..
          أحتآج لك يمّي معَ فرحَة العيد
          واحتاجني قربك تكفكف دموعي

اخاف من بَعدك لواهيبي تْزيد
          واخاف اموت وتنطفي بِكْ شموعي

فـ العيد جيتك هَاربَه من رحيلك
          واشكيك من هجرك واعايدْك بعْتاب

وآقول لك ( وينك ) ؟ وش اسباب لـِ غْيابْ ؟
          وتْجاوب طْيوفك ( يابنت اتركيني ) ..

وانْسي ملامح قصّتي واهْجريني
          انَـا بَروح بْدون ما تسمعيني

مُوتي بـ قَلْب الذّاكره .. واذبحيني !!

وآصير انا بَعدك بقَايا مشاعر
          تغزيني الدّمعَه بعَد ما تسافر

والعيد من غيرك يعايدني بْـ حزْن
          وآقول لك بعد الجروح القديمه

كل عَام وانت بْـ جَرح .. ياجرح جرحي

سرَقْت اعيادي بْهجرك وطالَت بك مسافاتي
          رحيلك زوّد جْروحي وزادت به معاناتي !

ياليت العيد يسمعني .. أو انّه يسمع آهاتي
          عشَان يقول لك .. ( شُكراً ) .. هَديْتِك صَارَت ابياتي

هَدِيْتك ( جرح ) عَايدني .. في صبْح العيد .. وادماني
          عسَى كِل عَامْ وانت بْـ جَرح .. وعيدك جرحِي الثّاني !