|
يالله لا تبلاني في بارد احساس
يا من وهبتني هالاحساس كله
يالله عساه يكون شهمٍ ولد ناس
ويقدر اشعوري بدقه وجله
لا من نظرته نظرةٍ كلها ياس
يفهم على الطاير وراها ألف علة
وان قلت انا عروقي من العشق يباس
يمطر غلاه وكل عرقٍ يبله
وان قلت وين الكيف والشعر والناس
لي يفتح المجلس غلا ولي يفله
وان قلت أنا عطشى وابي من الهوى كاس
من مورده يبل ريقي ويعله
ولا ضاق صدري وصار بالبال عوماس
لي امبهرٍ بالعشق مليون دلة
ولو حل بي ظرفٍ ولو وضعي احتاس
حافظ مكاني ما احد يجلس محله
أدري الكرم والطيب بالرجْل نوماس
لكن انا شفّي اللي الاحساس دله!
|
قم بتسجيل الدخول اولا للتمكن من التعليق على القصيدة