لاقلت احبك يا هَنَاي    
          ياطب جرحي ويادواي

تشرق شموس بدنيتي    
          وتصير عينك مُنتهاي

حبّك طوى فيني الهموم    
          نسّاني دْموع الغيوم

وْعشت بأحاسيس النّجوم    
          وحلّق الفَرْح بْسماي

شفتك بِـأحلامي أمير    
          وصرت لْأحاسيسك أسير

وسمّيتك الحب الكبير    
          وانهَيت بك لحظة عَناي

من يوم شفتك يا ملاك    
          والروح تتنفّس هواك

وقلبي واحساسي معاك    
          إقْرب وْقرّب مُناي

ياهَوى جنّيت فيك    
          ومتّ من شوقي عليك

عشت عمري احتريك    
          زوّدْتْ بغيابك شقاي

منْ تِمر باقْرب طريق    
          تشعل بقلبي حريق

ياللي حبي لك عميق    
          ياليت بس تبقى معاي

حطّيتك بوسط العيون    
          مابين رمشي والجفون

واهديتك القلب الحنون    
          واسقيتك الحب بْشفاي