|
ياحب عمري لا تغيب
خلّك من عيوني قريب
الشوق عذَّب مُهجتي
وقلبي من غْيابك صويب
تدري بْـ رَحيلك وش حَصَل
عايش وانا مالي أمل
والجرح فيني ما اْنْدمَل
حس بعذابي يا الحبيب
لاغبت صابتْني جروح
وانْهَدْمَت بْقَلبي صروح
تكفى طلبتك لا تروح
قرّبْت اوصّل للمشيب
انا بدونك ايش اكون
فيني ملامح.. والعيون
ترحل معك حتّى الجنون
صحيح أمر الحب غريب
بعطيك باقي دنيتي
وفَرْحي وضحْكي ودَمعتي
خذ شوق قلبي ولهفتي
بس لا تطوّل في المغيب
ناديتك بْـ شوقي تعال
محال تهجرني محال
تعبت انادي بالوصال
لكنّ قلبك ما يجيب
لو تَحْرِم الرّوح الحياه
وتعيّش القلب بْشقاه
وتحرم فؤادك من لقاه
ضربك مثل اكل الزبيب
|
قم بتسجيل الدخول اولا للتمكن من التعليق على القصيدة