لا صار ودّك تقضي العمْر مبسوط    
          هوّن جروحك قول ياقلبْ هانَت

تلقى السعاده والفرح فيك محطوط    
          وتقلى المشاكل (زالت) او قول (زانت)

انا من اسباب الجِراحات مضغوط    
          ويامهجتي قدّ ايش عانت وعانت

بْيوم جمعه كنت موضع للسقوط    
          واعدائي بْشعري وفكري استهانَت

لان الفقير بموتة اليوم مغبوط    
          وانا فقير وساعة الموت حانَت

بكتب قصيدي باْغْلَب انواع لِـ خْطوط    
          وآقول لَاْعْدائي لو النّاس خانَت

ببقى الوفي بالطّيْب والعطْر مخلوط    
          وآعيد نفسي مثلما امس كانت

واعقد من ثياب الوفَى عدّة خْيوط    
          وآقول بعد الجرح ياجرح هانَت