لو كنت بأوّل نظرةٍ لك هويتك    
          ان كان بآخر نظرةٍ يالغلا انساك!

نظرة ونظرة ثم بالحب جيتك    
          ديمة غلا بالعشق سالت بصحراك

فاضت أحاسيس الغلا ما رويتك    
          زهور حبي كم تعاني وتظماك

تذوب حبة سكرٍ لا رايتك    
          وتذوب بشفاهي كما الشهد رؤياك

ليتي قلم ليتي مفاتيح بيتك    
          معك بجيبك دايمٍ ما اتعداك

ترحل وتنهب خافقي ما عطيتك    
          مقْفي وما تسمع صدى صوت ناداك

طلّيت من شرفة قصيدي ودعيتك    
          اسمي وختمي بالشعر من سواياك

يا ما وياما بالقصايد رجيتك    
          وياما سهرت انا وطيفك برجواك

ببكي عليك بشرهةٍ لا لقيتك    
          بكثرما سكبت دمعٍ بفرقاك

تامر على قبي وما قد عصيتك    
          انا وقلبي يالغلا من فداياك

المشكلة نظرتْك يوم ان لفيتك    
          النظرة اللي بعدها عجزت أبلقاك

نظرة أخيرة جيت أنا وابتديتك    
          قلبي ضحيتها وانا اكبر ضحاياك!