ياخوي بالعشْق لا تهتم    
          محْدٍ بدنْيـاه يهنَى بَه

لابدْ مِنْ النــّاسْ تتـعلّم    
          شفْني من العشْق منْصابه !

الرّوح منّه ما تسْــلَم    
          تَحيَى في ظلّه مرْتَابَه

والنّاس حولـك مَا تفهَـم    
          تعشَق وَلاَ تَحسبْ حْسَابَه !

مَقدَر عَلَى خبْرك اتكلّـم    
          والنّاس في صُورة ذْيَابَه

اخاف ابكي واتْلعْــثَم    
          والرّوح تَمسي \"كذّابَه\" !

باين في عيني حزْن وْهَمّ    
          خوفي من النّاس تدْرَى بَه

صفحَة همُومي يابْن العَم    
          لا غَاب جرحِي تغْتَابَه

محدٍ بسـِمّه يتْسَــمّم    
          وشلون جَرحك يشقَى بَه ؟

شفته صريع وْمَسقي سَم    
          والدّمْعْ يروي أهدابَه

لا صرت نَاوي بَه تُغرَم    
          لازم تعوّد علَى غْيَابَه

القلب لو طَاح يترمّم    
          والحقّ يرجع لاصْحَابَه !

خذها نصيحَه ولا تندَم    
          قبل الجسَد يحضن تْرابَه

فـ العشْق اشْوالك تُظلَم    
          ربّك تَرى فاتح ابْوابَه !