هي : يعني نويت السفر بتوادع احبابك
يعني بدت رحلـــة الغــربه بوجـــداني
يعنــي بتــم انتظــر واضيــع بغيابك
يعــني مــن اليـــوم بفقــد نصي الثـاني
هو: حبـيبتي والله انـي حاسب حسابك
ودموع عينــك تشــب النـــار بشجانــي
غصـب علـى هـالسفر مجبـور بسبابك
قولــي لك العــواذل راح مــن شانــي
هـي: حبــيب قلبي احبـك موت واحيـا بك
وابغاك فــي كل حـالاتــك وتبغانــي
مــبغى فلــوس وذهب ابغـــاك بثيــابك
دامــك معــي اتحــدى الكــون بـإيماني
هو: عهد علـي لزرع اجمــل ورد بترابـك
وانـــي لأرويـــه مــــن دم بشرياني
تستــاهلين العمـــر والعمــر يزهابــك
حلفــت انــا لسعــدك كــان الله احيـاني
هي: قول وفعل يا بعد عمري انا ادرابك
واعرف ظروفك ولكن قلبي اذانـي
ارجوك تعذر غلاي اليا تمادى بك
حاولت أخفي دموعي بس ممداني
هو: من شان هذا الغلا ومن شان اهدابك
ومن شان عينك بسافر بك لعنواني
بس اطلبي لي أنا واقف على بابك
وقولي احبك ويكفي منك ما جاني
هي: مليون احبك واحبك حيل واشقابك
رح في طريقك مثل ماكنت تلقاني
الله يـردك لقلبـــي واتهنـــا بـــك
وما عاد يقدر على توديعك لساني