اضيفت بتاريخ:	12 - 10 - 2008
	قصيدة للشاعر :	حمدان بن محمد بن راشد
	البلد :	الإمارات العربية المتحدة
	عنوان القصيدة :	من صغر سني
	نوع القصيدة :	شعر نبطى
	غرض القصيدة :	اخرى
من صغر سني وانا انظر للغلا نظره رفيعه               واعرف ان العشره اسمى من غلاك ومن حناني يوم شفتك من ضياع وشفتني مثل الوديعه               انته بس الــلي ضعت فيني وانته بس اللي لقاني والله ان الضيعه اللي جابتك ما هي بضيعه               ضيعة العشاق شي وضيـــعتي بـــــك شـــــي ثاني يا غرام ما استطيع انساه لو قلت استطيعه               يا كلام من عرفـــــــته مـــــــا ذرفــــــته من لساني اشتر اللي تشتري فيني وبيع اللي تبيــــعه               ما التفت لـــــــوجه غـــــيرك باعــــني ولا شرانــي خل طعناتك قويه وخل نظراتـــــك سريـــعه               يعني اضرب اهرب اضرب اضرب اهرب في ثواني ما انت بأول من شرب صيفي وعطشني ربيعه               ولا انـــــــــــــت بأخر من خذاني من يدي ولا خذاني انت ما وسعت صدري ليين ضيقت الوسيعه               كنك تحطب الــــــــــــجروح من الــــــمحاني للمحاني كل ساعه لك بصدري رمح اقسى من تبيعه               وكل جرح له بوجــــــــــهي حزن غير الاولانــــــــــــي وكل ليل يهون الا ليلة البارح فظيـــــــــــعه               يعلـــــــــــــم الله كانـــــــــــــت اول ليله تزلزل كــــــياني كن رمحك ما يبات الا ورى الحدب المنيعه               وكن جرحي ما يــــــــــــــعرف يـــــــــنام ورماحك تعاني ول يا كيد الظبا ما شفت من يصنع صنيعه               لو زرعته في حشاك سنين يمـــــــــــحيك بثــــــــــــواني في زمنا قالوا ان منا طاوعك الوقت طيعه               وانته مثل مثل الوقت قاسي طاعـــــــــــــني ولا عصاني بس ابيك ليا عسفت البعد واسرجت القطيعه                التـــــــــفت مره علي وحط نـــــــــفسك في مكانـــــــــــــي انته لو اني خدعتك راح ترضى بالخديعه؟              ! بعتني مــليـــــــــون مره حبنــــي مره عشـــــــــــاني خايف تحمل خفوقي فوق مالا استطيعه               ويبتليك الله بغيري مــــــــثل ما فـــــــــيك ابتلانـــــــــــــي خلني مثل الضياع وشلني مثل الوديعه               انت الـــــــلي ضيعتني وما في حد غـــــــــــــيرك لقانـــــي واشهد ان الضيعه اللي جابتك ما هي بضيعه               ضيعة العشاق شي وضيعــــــــــــــــــتي بك شي ثانــــــــي
شبكة قصيد نت2005-2009