في زمانٍ كَنَّه البرْد شبّيت القصيدْ
قلت ابـ ادفى والليالي تموت بْبرْدها
في طريقٍ كنّه الموت ولْحالي وحيد
قلت ابـ احيا والمنايا تبوح بسدَّها
آتقارب هقوة العمْر لو كانت بعيد
واتغنَّى بالمقابيل واخطب ودَّها
لا قديم الجرح يقوى ولا الجرح الجديد
يخلِف النفس العزيزه عن اللي ودَّها
والله اني ما اتنازل ولي راسٍ عنيد
لين اداعب غرّة الشمس والثم خدَّها
وانزفي يا وردة الشعر من دَمَّ الوريد
لا تجِفّي في عروقٍ تراجف يدّها
يا قصيدي كان الاشعار سادات وعبيد
والله انَّك من بحورٍ عريبٍ جدَّها
ما تقاود مهرة الحرف للقلب البليد
يا قصيدي خذ رِسَنْها وخلَّك قدَّها
في طريقٍ كنّه الخوف سلّيت القصيد
قلت ابـ احيا والليالي تموت بْبرْدها