لا تفكـر إني عنــك آصد ما بيــك
لكنـي أحفــظ عزتـي فـي صـدودي
ولا تفكر إنــك لـو تغليــت أباجيـك
كلمـا تغلـى زود .. صـدي يـزودي
وإن كــان حـارت صورتي وسـط عينيك
مـا نيب أنا صورة ..سكنـها الجمــودي
لا تحسـب إني لعبــة بيــن أيــاديــك
كلــي تحــدي وكبـريـاء وصمـودي
الله خلقنــي نــد وأقــدر أجــاريــك
ومــا أعجـز إنــي أحبسـك بقيـودي
لكـن أبتحمــلك دام إنـي أرجيــك
ودام أنــي أحبــك أبلــزم حــدودي
وأصـد .. وأحـفظ عزتي منك وليك
حتى تعــرف قـدري وتحفظ عهــودي